Pạkuṛ jilạ do̱ Bharo̱t diso̱m reaḱ Jhakhanḍ rajo̱sṭi reaḱ bar gel pon jilạko mudre mit́ṭen kana, ar Pạkuṛ ge jilạ reaḱ do̱bhạṭiạ ṭhạ̃i do̱ kana. Sahebgõ̱ńj jilạ reaḱ pạkuṛ sabḍibijo̱n get́ begar kate pạkuṛ jilạ do̱ bandhao akana. 2011 serma reaḱ ho̱ṛ lekha lekate noa jilạ re 900,422 jo̱na ho̱ṛ menaḱ koa, ar 686.21 cạukạ km jaegae ṭo̱par eset́ akada. Pạkuṛ jilạ do̱ Jharkhanḍ rajo̱sṭi reaḱ uttạr-purub nakha re menaḱa.

Ponko̱na

Noa jilạ reaḱ uttạr nakha redo̱ sahebgõ̱ńj jilạ menaḱa, dạkhin re Ḍumkạ, Pạchim re Go̱ḍḍa, ar Purub redo̱ Pạschim baṅla reaḱ Birbhum ar Murshidabad jilạkin menaḱa. Jilạ reaḱ pạchim nakha redo̱ Rajmo̱ho̱l buru menaḱa, nhate purub nakha do̱ ṭạnḍi gea.

Kạuḍiạri

Noa jilạ do̱ Hende dhiri (Black stone)  te ńutum te namḍak gea. Noa hende dhiri do̱ Howrah railway Dibijo̱n te go̱ṭa bharo̱t diso̱m hende dhiri pasnao ar Paṅjab te ko̱ela idi oṭokaḱ te jo̱to̱ kho̱n bạṛti gunḍi arjao̱et́m kana.

Sedae do̱ Pạkuṛ jilạ re  eken Santal ar Mal pahaṛia ge tahen kan tahẽ̱kana. Menkhan o̱kte bo̱do̱lo̱ḱ sãote   bại-bạite no̱nḍanaḱ demographi pherao calao ena.

2006 re Ministry of Panchayat Raj do̱ Pạkuṛ jilạ do̱ diso̱m reaḱ 250 go̱ṭaṅ jo̱to̱ pichṛa jilạ ko  reaḱ gadel re do̱ho̱ keda. Noa do̱ Jharkhanḍ reaḱ 21 go̱ṭaṅ jilạ ko mudre mit́ṭen kana o̱ka do̱ Backward Grant Fund Programme (BRGF) kho̱n nãhãḱ fund e ataṅet́ kan.

Saso̱niạ kho̱nḍ

Pạkuṛ jilạ redo̱ 6 go̱ṭaṅ blo̱k ko mena, ona ko do̱ hoyoḱ kana:

• Pạkuṛ blo̱k
• Amṛapaṛa blo̱k
• Hirạnpur blo̱k
• Maheshpur blo̱k
• Pạkuṛiạ blo̱k
• Liṭipaṛa blo̱k

Demographi

2011 serma reaḱ ho̱ṛ lekha leka te pạkuṛ jilạ re 900,422 jo̱na ho̱ṛko tahẽ̱kana, o̱ka do̱ phiji diso̱m unạḱ maraṅ. Niạ jilạ do̱ ho̱ṛ lekha leka te bharo̱t diso̱m reaḱ 640 jilạ ko mudre 465 anaḱ ṭhạ̃ie hameṭet́ kana.  

Pạkuṛ jilạ re ro̱ṛo̱ḱkan pạrsiko (2011)

 Bengali (39.42%)

 Santali (36.40%)

 Khortha (11.84%)

 Malto (4.90%)

 Hindi (2.83%)

 Urdu (1.77%)

 Bhojpuri (1.66%)

  eṭagaḱ (1.18%)

2011 re pạkuṛ jilạ re 39.42% do̱ baṅla ko ro̱ṛet́ kan tahẽ̱kana, 36.40% do̱ Santali, 11.84% do̱ Khortha, 4.90%do̱  Malto, 2.83% do̱  Hindi, 1.77% do̱  Urdu and 1.66% do̱ Bhojpuri.