Sido kanhu Murmu University ren Assistant Professor leka te kạmi kan Nirmal Murmu do̱e Hameṭ keda doctorate degree.

Liṭĩpaṛa do̱ eken Jharkahnḍ mo̱to̱ do̱ baṅ bicko̱m bharo̱t diso̱m reaḱ jo̱to̱ kho̱n taeno̱m kho̱nḍ ko mudre mit́ṭen kana. Liṭpaṛa latar re menaḱ miṭṭen huḍiń ato kho̱n rakaṕ heć akan Nirmal Murmu do̱ Phd degree hameṭ kate ako ato sãote purạ jilạ ren ho̱ṛ koaḱ ko̱ṛam go̱ro̱b te o̱sar ocoakat́ takoa. Nito̱ḱ do̱ Nirmal Murmuaḱ ńutum laha re doctor upạdhi seledo̱ḱa.

17 Pheb, 2025 hilo̱ḱ Sido̱ kanhu Murmu Viswavidyala reaḱ Santali bibhag re o̱ram len Kukli-ropo̱ṛ seminar re tayo̱m uni do̱ noa degree ko caladea. Noa lạgit́ te niạ bisạe re Gạkhuṛiạ Visva Bharati University Bolpur Santiniketan kho̱n Dr. Dukhiạ Murmu seṭere tahẽ̱kana. Nirmal Murmu do̱ Dr. Sushil Ṭuḍu lata re kho̱ndro̱ṅ kạmi purạu keda. Uniaḱ kho̱ndro̱ṅ bisạe do̱ tahẽ̱kana “Go̱racand Ṭuḍu: Vyaktitva avm Krittva”. Nit kho̱n do̱ Dr Nirmal Murmue ho̱ho̱ ocoḱa. Dr Nirmal Murmu do̱ aćaḱ eto̱ho̱ṕ sikhnạt do̱ ako ato madhuban kho̱n ge hameṭ leda.