Dr. Shyama Prasada Mukharjee University reaḱ pạhil ńutum do̱ Ranchi College Ranchi tahẽ̱kana. Noa do̱ 1926 sal re so̱rkari intermediate college bandhao lena. Ona tayo̱m 1946 serma re undergraduate ar postgraduate course cạlu lena. 1960 re noa Ranchi university reaḱ mit́ hĩs benao ena. 2009 serma autonomous college reaḱ darja ko emat́ tahẽ̱kana. Ar 2017 serma Jharkhand Universities (Amendment0 Act, 2017 ho̱tete rajo̱sṭi university reaḱ darjae ńam keda.

Noa university redo̱ aema leka course ko calaḱ kana. Jeleka- Certificate, Diploma, UG, PG, Doctorate eman eman. Nit hạbić te eken mit́ dhao ge convocation hoe akan tahẽ̱kana. Niạ 2025 re lagae te bar dhao hoyoḱ kana.

Calaoen 15-feb-2025 hilo̱ḱ do̱ DSPMU re 2^nd Convocation ceremony hoe sạtena. Aema pạthuạ ko Mano̱tan Rajyapal aḱ ti te ḍigri ko hameṭ keda. UG do̱ calaoen 2020-23 ar 2021-24 session re ḍigri ko hameṭ keda. Ar PG ren do̱ 2021-23 ar 2022-24 session ren. Ona chaḍa re PhD mukuṭ tehõ̱ko mano̱t ket́koa.

Noa DSPMU reaḱ 2^nd Convocation re Santali departmant ren hõ̱ko mano̱t ocoena. UG 2020-23 ar 2021-24 session ar PG 2021-23 ar 2022-24 session re ḍigri ko hameṭ keda. Santali department re gold medelist ko do̱ no̱ṅka leka.

*Undergraduate 2020-23 Rajlaxmi Tudu

* Undergraduate 2021-24 Pramila Kumari

*Postgraduate 2021-23 Pratima Kumari

*Postgraduate 2022-22 Raghunath Murmu